Шүүстэй-д (Succulents) үүссэн гэмтлийн шалтгааныг арилгах.

Мөчрүүд уртсаж хэлбэр дүрс алдах шалтгаан: 

Өвлийн улиралд хэт их ус, зуны улиралд хэт бага гэрэл.  Амжилтын нууц; Өсөлтийг жигд болгохын тулд нарны гэрэл дагуулж савыг үе үе эргүүлээрэй.  

Навч дээр зөөлөн бор толбо үүсэх шалтгаан: 

Навчны толбо өвчин.  Бенолаттай буюу мөөгөнцрийн эсрэг усаар услах. Агааржуулалтыг сайжруулах.

Гэнэт бүх навч унах шалтгаан: 

Карантын буюу худгийн цоргоноос шууд маш хүйтэн усаар услах. Өрөөний хэмд хэд хонуулсан бүлээн ус хэрэглээрэй.  Өөр нэг шалтгаан бол зуны улиралд маш бага усалснаас шалтгаална. 

Навч дээр хуурай хатуу бор толбо үүссэн шалтгаан: 

Бага усалснаас гарах. Шүүслэг ургамал зуны улиралд сайн услах шаардлагатай байдаг гэдгийг санаарай. Гэхдээ хэтрүүлж болохгүй.

Навч шардуу цэхийж өнгө алдаж унжих  шалтгаан: 

Хэт их усалдаг, ялангуяа өвлийн улиралд их тохиолддог.

Усыг багасгаж агааржуулаад үзээрэй. Үндэс гэмтэж ялзарсан бол сэргэхгүй. Тийм үед шорооноос гаргаж үндсийг шалгах хэрэгтэй. Үндэсний ихэнх хувь эрүүл бол гэмтсэн үхэжсэн хэсгийг тайрч шинэ бордоотой хөрсөнд суулгаад үзээрэй. Сэргэж ургах магадлалтай байж болно.

Үндэсрүү ойр ишэнд ялзрал үүсэх шалтгаан: 

Өвлийн улиралд хэт чийглэг байдлаас үүдэлтэй ишний доод хэсгээр үндэс ялзрах өвчин.  Дахин тарьж үржүүлэхийн тулд дээд иш мөчирийг суулгаац болгож ашиглаарай. Дараагийн удаа өвөлд хөрсний хуурай хагарсан онгорхой гадаргууг бордоо хөрсөөр дүүргэж, хэт их услахаас зайлсхийгээрэй. 

Олж мэдсэн зүйлсээ цэцэгт дуртай найз нартайгаа хуваалцлаа. 

Таны цэцэг сайхан ургах болтугай.