Шүүслэг буюу шүүстэй ургамлууд нь гэрийн цэцэг тарьж сурах хүүхэд болон насанд хүрэгчдийн хувьд үнэхээр сайн эхлэл болох ба учир нь эдгээр ургамлыг арчлахад хялбар, мартаж орхисон байхад, зарим даа буруу арчилсан үед ч тэсвэрлэх чадвартай бөгөөд бусад ургамлаас хамгийн энгийн арчилгаа шаарддаг байна. Шүүстэйг танихад хялбар бөгөөд навч болон иш бэлцгэр ус их хэмжээгээр агуулсан байдаг.
Голдуу цэцэглэх зориулалтаар ургадаг шүүслэг ургамлуудыг (Хояа, Рочеа, Каланхоэ блосфелдиана гэх мэт) цэцэглэдэг гэрийн ургамал эсвэл саванд ургуулдаг ургамал гэж үздэг. Янз бүрийн хэлбэр, хэмжээтэй олон зуун шүүстэйг гэрт ургуулдаг байна. Навчны нягт бүтэц нь цөлийн амьдрах орчинд ус нөөцөлж ургахтай холбоотой, тэдний ихэнх нь сарнай хэлбэртэй байдаг. Олон жил насалсан зарим ургамлын төрөл модлог ишний үзүүрт бөөгнөрсөн навч “сарнай мод" болдог байна. Зарим төрөл нь унжиж ургадаг эсвэл бутлаг ургамал хэлбэрээр ургадаг.
Шүүстэй ургамлын эх үүсвэр дэлхийн хуурай уур амьсгалтай газруудад ургадаг бөгөөд тэндээс тарималжуулсан байдаг. Ургамлын ерөнхий шаардлага нь амархан хуурайших бордоо өөрөөр хэлбэл усыг удаан тогтоох шардлаггүй хөрс, нарны гэрэл, цэвэр агаар, ургах улиралдаа усалгаатай байх бөгөөд хүйтэнд хуурайдуу амрах хугацаатай байлгадаг.
Хэрэв та өөрийн шүүстэй ургамлыг цэцэглүүлэх болон олон жилийн турш үргэлжлүүлэн ургуулахыг хүсч байвал өвлийн сэрүүн улиралд тайван унтуулах нь маш чухал. Шүүстэй ургамал аа чанартай болгох өөр нэг нөхцөл шаардлага бол зуны улиралд гадаа байлгах явдал юм.
Хэд хэдэн өөр төрөл шүүстэйг нэг саванд гаардан хэлбэрээр хослуулж тарьж болох бөгөөд тэгэхдээ нэг газарт бөөгнөрүүлж биш сэлүүхэн өндөр модлог, сарнай хэлбэртэй , бутлаг болон унждаг хэлбэрүүдийг хослуулж тарих нь үзэмжтэй байдаг.
Шүүстэй ургамлын олон төрлийг нэрийн хамт номын зургаар харууллаа. Ургамлыг арчлах тухай өмнөх бичлэгээр оруулсан бөгөөд ургамлын навч мөчир гэмтсэн, шаралсан үед юунаас болсон байж болох талаар олж уншсан зүйлс ээ хуваалцна.
Таны цэцэг сайхан ургаж танд баяр баясгалан бэлэглэх болтугай.
Comments
Post a Comment