Шүүстэйг (succulents ) ургуулах амжилтын нууц.

Гэрийн нөхцөлд шүүстэйг ургуулах аргыг интернэтээс олж уншиж мэдсэн зүйлсээ товчлон тэмдэглэж цэцэгт дуртай найз нартаа зориулан бичлээ.

Температур: 

Хавраас намар хүртэл дунджаар ижил дулаанд байлгахыг хичээгээрэй. Шүүстэйг ургуулахдаа (ихэнх гэрийн ургамлаас ялгаатай нь) шөнийн болон өдрийн температурын хооронд мэдэгдэхүйц ялгаагүй ижил хэмд байлгахыг хичээ нь биз ээ. Өвлийн улиралд сэрүүн дээ  10° - 13 ° С хамгийн тохиромжтой, ямар ч хор хөнөөл учруулахгүй. 

Гэрэл:

Цонхны тавцан тохиромжтой байрлал юм, шүүстэйд нарны гэрэл маш чухал. Боломжтой бол урд зүг рүү харсан цонхны тавцанг сонгоорой, гэхдээ зуны улиралд сүүдэрлэх шаардлагатай байдаг. Хавортиа ба Гастериа нэртэй шүүстэй нь гэрэл гэгээтэй боловч наргүй газар сайхан ургана.

Усалга:

Хавраас намрын улиралд гэрийн цэцэг адил услаж тордоно. Хөрсийг хатаж эхэлмэгц бүхэлдэн чийгшүүлж өгнө. Өвлийн улиралд усыг багасгана. 1-2 сард нэг л удаа усалдаг.  

Агаарын чийгшил: 

Навчийг шороонд булах шаардлагагүй.  Гол шаардлага бол цэвэр агаарт байлгах, цонхыг тогтмол нээж байгаарай. 

Хөрсийг солих шинэчлэх: 

Шаардлагатай үед л хөрсийг хаврын улиралд шинэчилж арай том саванд суулгаж болно. Гүн биш харин гүехэн савыг ашигла.  

Үржүүлэх: 

Мөчир болон навч амархан үндэслэнэ. Хавар болон зуны улиралд тайрч үндэслүүлнэ. Гол анхаарах зүйл бол үржүүлэхээр тайрсан мөчрийг хэд хоног хатаана. Том тайртасыг 1-2 долоо хоног шороонд хийхээс өмнө хатаана. Шороонд суулгаад маш бага услана. Гялгар уут болон шилээр битгий таглаарай. Үржүүлэх өөр нэг арга бол үрээр тарих ба дулааны 21- 27° С  хэмд тарина.  

Үргэлжлүүлээд шүүстэй ургамлын төрөл болон, навч унах, шарлах, гэмтэх г.м асуудлаас сэргийлэх талаар уншиж мэдсэн ээ хуваалцна. Санаа оноо, нэр ус хэллэгт алдаатай бичсэн бол хэлж туслаарай. 

Баярлалаа. Бүгдээрээ хамтдаа суралцаяа.